یادی شاعیری مەزن شێرکۆ بێکەس

           ڕەوەندی کوردی لە شاری یۆتۆبۆری لەڕێگەی هاوکاری ژمارەیەک لە ڕێکخراوەکانی کۆمەڵگەی مەدەنی،  کۆڕێکی ڕێزلێنانییان بە شکۆمەندی و جوانییەکی شیاو بە مامۆستای نەمر شێرکۆ بێکەس بەڕێوەبرد... دیارە جوانیوو لەخۆبایی بوونی وشە، فوارەی هەستی کۆپەڵەو چامەی شیعروو ڕەوتی  پەخشان، دەسکەنەی شەنگوو شەتەکدراوی یاڵی خەیاڵ، بۆ هەڵنانی تابلۆ بۆ مەزن بۆ مناڵ، دوور لە چاوەمیهرەبانەکەی مامۆستا شێرکۆ، بەدەر لە وشەکانی سەرزاری ئەو، نەدەکرا ئەوڕۆژە بخەمڵێ و ببێ بەیادەی ئەو.. بۆ یە هەر بە کەرستەکانی خۆی هەر بەجوانی هەڵوێستی خۆی، هەر بە خەتوو هێڵی شاوری هۆنەرانەی خۆی، ئەوڕۆژە چووە ناو زاکوونی مێژوو.. هەر هەموو ئەوانەی کە چۆنە سەرسەکۆی هۆنینەوەی هەستوو هەڵبەست... لە بێگەردو بازگرەوە تا خاڵە حەمە لەچاوی شیعرەکانی ئەوڕامان، لەڕەنگی ڕەنگاڵەو چرای ناو  دیوانی ئەو، نەک  هەرئەوان بەڵکوو زۆربەمان لەژێر سحری شەپۆڵی دەنگی سرکوو زوڵاڵی هاتوو لە بەهەشتی هۆنراوە، تەوێڵی مارۆی ژانی زامەکانی ژیانا، لە نێو کوختوو کەوێڵی ڕوولەخۆروو باهۆزی ئەو، لەنێو مەتەرێزی سەرترۆپکی دیوانی ئەو، بە کاڵانی وشەوو شمشێری مانای حەجەکانی ئەو، بۆ مێژوو، بۆ کۆمەڵگە، بۆ کلتوور، بۆ سیاسەت، بۆ ڕۆحی یاخی، بۆ ڕێگەی دووروودرێژی بەرەنگاری سەردەمی ئەو، شیعر بوو بەنان، شیعر بوو بەماڵ، شیعر بوو بەباڵ. ئێستا ئەو لە ئاسمانەوە لەگەڵ ئەستێرەکان جریوەی چاویدێوو فرمێسک بۆ خەلکی سەرزەوی هەڵدەڕێژێ، لە هەورەبانی خۆرەوە لەتیشکوو لە گەرمی ناودڵی ڕۆژگار دەڕوانێ، جارجار چاویلکەکەی بڵنددەکاوو چێژ لەبینینی باران، خۆشی لە فڕینی هەڵۆ، خرۆش لە ڕەوتی جۆگەو ڕووبار، هەژان لەباڵای جوانوو ناسکی شیعر، لەناو دووتۆی کەشکۆڵە دیوانەکەی خۆیدا دەبینێ....

هەڤاڵ سەید حەسەن

١٨ / ٨ / ٢٠١٣ 

لینکەکانی تیرۆر

باوانی ئەودوو کوڕەی کە تاوانبارکران بە تەقاندنەوەی بۆمب لە نێو گەرمەی پێشبڕکێی ماراسۆن لە بۆستۆن، کە بووە هۆی کوژرانی ٣ کەسوو برینداربوونی  زیاتر لە ٢٦٠ لە و هاولاتییانەی کە لەشوێنی ڕووداوەکە بوون.. بەگوێرەی هەواڵ، ئەم بۆمبە بۆ نیۆیۆرک دانرابوو، ئەو مەتریالانەی لە دروستکردنی بەکارهاتووە زۆر نزیکە لە شێوازی ئەندەش بێهرینگ ، کەلە ٢٠١١ لە نەرویج، بە کارێکی تیرۆری هەڵسا. ئەنگیزەی ئەندەش لە کوشتنی پەناهەندە و دانانەوەی بۆمب،بریتیبوو لە تێکەڵەی  ترس لە ئیسلاموو باوەڕی ڕەگەزپەرستی و  ناتەواوی باری دەرونی..... ئەوەی بۆستۆنیش سەری پێچەوانەی هەمان دژواری و دڵڕەقیی و تۆڵەسێنی هەندێ لە پەڕگیرە سەلەفی و جیهادییەکانە کە ڕقیان لە ئاینزاکانی ترەو بە تەعەسوبوو دەمارگیری لەگەڵ دونیای مۆدێرنوو ئارام مامەڵەدەکەن...

هەڤاڵ سەید حەسەن

سەرچاوەی هەواڵ یۆتۆبۆریپۆستن و ئەفتۆن بلادت و چەند ماڵپەڕێکی تر..

ئەگەر ئەوان بازاڕین ئەی تۆ چیت

دوای زیاتر لە ٢٠ ساڵ حوکلومڕانی و لەباربوونی هەموو هەلومەرجێ بۆ دابینکردنی چەترێکی تۆکمەو لەشکانەهاتووی بەرگری لەبوونی ئینسانیمان، بۆ دابینکردنی ئاسایش و پاراستنی مناڵانی کورد لەسەراسەری ناوچە کوردییەکان.. ئەمڕۆ ڕێژەی کورد ڕوولەکەمییە لە ناوچەکانی دەرەوەی قەڵەمڕەوی هەرێمی کوردستان، ئەوبەشەش کەماوەتەوە کەڵکەڵەی هێلانوو کۆچوو ڕەو وەک یەکێ لە ئاسانترین ئەڵتەرنەتیڤی خانەوادە کوردەکانە.. لەحاڵێکا دەستەلاتدارانی ئەوڕۆ لەبەر سەرقالییان بە بازرگانی و هەراجی نەفتوو خاک و دروستکردنی فێلە لە بناروو هەڵەتە فێنکوو پڕنسێکان، باکیان بە ژیانی مناڵ و پیروو کالی کوردنییە، ئەرکێکی ئینسانی و ئەخلاقی مەزن کەوتۆتە ئەستۆی هەموو ئینسانێکی شەریف کە بیر لە خۆڕێکخستنبکاتەوە بۆ دابینکردنی لایەنی کەمی ئاسایش بۆ هاوزمانانمان....

هەڤاڵ سەید حەسەن

٢٨ / ٤ / ٢٠١٣

پاڕادۆکسی ڕاستییەکان

          

             دیارە مرۆڤەکان بەوە ناگۆڕێن کە لەکوێ دەژین، یا لەچ ئەکادیمیایەک بونەتە پڕۆفیسۆر، یا لەناو کام گروهوو گۆڵمەز سەرقاڵی کارن.. ئەوانەی کە باسیاند دەکەین وەک توێکڵێکی دوور لە ناسنامەی راستی کەسەکانە... ئەو شەهادەدارانەی کە لەزانکۆی بەغداو سۆربۆرن و ئەنکەرەو هایدلبیریان خوێندووە مەرجنییە کە زانینی ئەکادیمیان بەڵگەی لێبراوبێ بۆ چاکیو دڵگەورەیی و نورانیبوونیان،، مەرجنییە دەوڵەمەندوو پارەدارەکان هەمیشە نامرۆڤوو بێویژدانوو دڵڕەقوو کەلەپوتبن.. ئەوڕووەی کەنزیکە لەخۆت، ئەوبوونەی کە ناسنامەو شوناسی لە هیچ زانکۆیەکوو فابریکەخانەیەک بۆ بەڕادان نادرێ، ئەوە پەیوەستە بە سرووشتی بوونت، مانایەکی زۆر قولتر لەم ڕواڵەتە هەڵدەگرێ. هەرخۆت دەتوانی لەهەموووکەس زیاتر پیی ئاشنابی.

            ئەوەی کە لەم وتارەدا سرسنجی راکێشام ، ماوەیەکی درێژە، ئەوانەی مزگەفتەکانی ئەوڕوپایان کوردووە بە شوێنی ساخکردنەوەی کالاو مەڵبەندێکی بازرگانی، ئەوانەی هێندە باسی پارەو پاوەریان لایە باسی ئەخلاقیان لانییەو، بۆ هەموو شتێ دەست بۆ گیرفانیاندەبەن.. زۆر باسی گۆشتی حەلال و کەبابی حەلال و جوینی حەلال دەکرێ.. کەچی بەگوێرەی هەواڵی ئەمڕۆ هەندێ لەم حەلال شۆتانەی سوید لەنێوان سەدا پەنجا تا سەدا سی گۆشتی بەرازی تیایە...

هەڤاڵ سەید حەسەن

٢٧ / ٤ / ٢٠١٣

هاتنەوەی مۆدێلی جەهالەت

دوای سەدەیەک خەباتوو شۆڕش، دژ بە هێزی داگیر کەر، هێزێک لە مەنفاوە هاتەوە کوردستان، هەڵی شێوانی باری دوای جەنگی قۆستەوە، دوای ماوەیەک سەرکزی پێویست بۆ خۆدروستکردنەوەو ژیاندنەوەی ڕایەڵەی جاشەکۆنەکان، پەیوەندی بە زۆرترین ژمارەی  جاسوسە ئاشکراو نهێنییەکانی کوردستان، بەس بوو بۆ پرۆسەی  کورداندنی تاوان، بۆ دووبارەکردنەوەی هەمان کاروو بۆچوونە نامرۆییەکانی نەژادپەرستە بەعسییە عەرەبەکان. فەرمون دوای ئەو هەموو خوێنوو فرمێشکوو عەزیەتەی دایکان و باوکانوو تەواوی  کۆمەلانی خەلکی کوردستان.. ڕۆڵی جاشایەتی و ناپاکی دووبارە بەڕژێمکراوە، قالبوو بۆتەقەی حوکمڕانی ئەوڕۆی پێدراوەو هەموو شتەکان سیمای جاش و ئەفرادی ئەمنوو ئیستخباراتی جاران دەدات.. ئەو ئەبو شواربەی کە بەمشتی توندوو عەسەبی عەسابانەی عەرەبی، بە دەمانچەو قۆنداغە تفەنگ، پشتو سنگی گەنجانی کوردیان دەکوتی و ئهانەو سوککایەتییان پێدەکردن، تا هەموو بەرەنگارییەکی ئینسانیان تیا بکوژن، ئەوانەی کە بێلایەنترین فیراری عەسەکەریان لەبەر دەرکی ماڵو سینەمەو چایخانەکانی شار، لەپشتی پیکەب باردەکرد، بەسەریاندا دەنەڕاند، دەیانگوت ئەوەی ڕابکاو بیر لە هەڵهاتنوو دەربازی خۆی بکاتەوە، دەرفەتی ژیانی نییە، بەوەی لەدەستمایە دەیکوژموو بە واجبی بەعسیانەی خۆم هەڵدەستم! ئەم چەکبەدەستە بەواجیبانە، ئەوڕۆ دەستەلاتیان زیاترە لەجاران.. فەرمون گوێ لە یەکێ لە پێشمەرگە سەرەتاییەکان بگرن، کە لە کارەساتی هەکارییا گیراو ژیا تا ڕۆژی ئەوڕۆ، بەگوێرەی زانیننوو ئەزموونی خۆی چیدێژێ و چۆن ئاگاداری ئەواننە دەکاتەوە کە لە ڕووی فونکشوونی عەقلییەوە هەموو توانایی تێگەیشتنوو بەخۆداچوونەوەیان لەدەستداوە!

هەڤاڵ سەید حەسەن

٢٤/٤/٢٠١٣

داوای کچی سەرۆک بکەی لە وڵاتی دمۆر، لەخەونیشابێ تۆڵەی هەر کوشتنە

بەر لە سێ ساڵ  سەردەشت عوسمان دوای نوسینی گوتارێ لەسەر باری گەندەڵی دەستەلات دارانی ئەوڕۆ، کە ڕەوشێکی زۆر دژواروو دوور لە ئەخلاقوو ئەتواری ئاسای ئینسانی لێهەڵدەڕژێ....لە دواین نوسینیدا خۆی وەک مرۆڤێ وێناکردووە، کە هەموو ئەو بەهرەو تواناییانەی لایە کەلەلای هەر کەسێکەو، ئەو پێیوابوو کە فریعەونوو بەناو عیفریتەکەی کوردستانیش مرۆڤێکی ئاساییەو هیچ بەهرەیەکی خودایانەیان تیادانییە.. دیارە بەربادی دەستەلاتدارە مەغرورەکان ئەو دەمە لەئەوجی خۆیابوو.. وایان دەزانی جاری جارانە هەرکەسێک بکوژنوو شونبزری کەنوو کەسێکیش نەوێرێ باسی بکات و تۆمەت ئاڕاستەی ئەو وەحشییانە بکات کە بە ئاشکرا لەبەردەمی زانکۆ لەبەر جاوی خەڵک پرۆسەی ڕفاندنوو  پاشان پاکتاوی جەستەیی بۆ ئەنجامدرا.. ئەوان بەم کارە نیوە ئاشکرایە هەر مەبەستیان تیرۆرکردنی سەردەشت عوسمانی خوێندکاری زانکۆو نوسەر نەبوو، بەڵکوو بۆ کوشتنوو چاوشکاندنی هەر هەموو لاوانی ئازادی خوازی کوردستانبوو.. بەو هیوایەم کە ڕەوەندی کوردی بەشداییەکی بەرفراوانتر لەجارانی هەبێ.. ئەم سەگە هارە ڕەفتار سەدامییانە.. بەهاتنە پێشێی کۆمەڵانی خەڵکوو دەخاڵەتی لە ئاشتی و یەکسانیو بەختەوەری پاشەکشێیان پێدەکاتوو ئەگەر کاری دزێوترلەوەی کە ڕویدا  لە مێشکوو دڵێ ڕەقبەستوویانا هەبێ دەشێ نەیکەنوو خۆیان نوقمی زەلیلیو تاوانی زیاتر نەکەن.

هەڤاڵ سەید حەسەن

٢٤/٤/ ٢٠١٣

بەعس لەجاران بەهێزترە

ژیانی ڕۆژانەو مێژووی رابردوو هەمیشە باشترین فێرگەیە بۆ مرۆڤ، بۆ ئەوانەی کە لەشوناسی ئینسانی خۆیانەوە خاوەن ڕوانگەو هونەروو داهێنانن.. ئەمڕۆ دوای ٢٠ ساڵ لە هەرەسی دەستەلاتی دیکتاتۆریەت لەبەر چاومانە کە ئەوەی کە نەماوە تەنها جەستەی کەسێکە،پاکتاوی فیزیکی خەڵکانێکی زەبوونوو خۆلێگۆڕاو، ئەوانەی کە جوانییەکانی ڕۆحی خۆیان ڕۆژبەڕۆژ زیاتر دەشێواند.. بەعس ئەمڕۆ لە فیکری زۆرێ لە مرۆڤە عەرەبو کوردوو تورکمان و ئاشوری و کلدانی دەژی.. ئەمڕۆ وەک مانشێتێکی گەورە دەشێ زوڕناژەنە دەربارییەکان تۆزێ بازاڕی ئیخفالوو چەواشەیان برەوی بێ بەباسی گیرانی عزەت ئیبراهیم، بەلام دەرکوو زانینمان ئەمڕۆ هەراشترە لەدوێنێ، گیران و نەگیرانی ئەم کۆڵەوارە زەبوونەی کە زۆرێ لە بەناو سەرکردەکان لەو خەراپتر قوچاندوویانەو خۆیان لەگرەوی ئاوی لێڵا هێشتۆتەوە هیچ لە باری زەینوو هۆشی باو ناگۆڕێ.. لەوانەیە ئەوجارە کوڕی یەکێ لە سەرۆکەکانی لەمەڕ خۆمان پەتەکە بخاتە ملی و دەروێش ئاسا چەپڵە بۆ مەرگوو کوشتنوو پاکتاو لێدەین.. بەلام کێ کێی بڕاندەوە بەم شێوە دڵڕەقوو نا عەقلانییە، لە ئەجیندای کۆن دەرچوونی نییەو لەخەیاڵا خۆی لێگۆڕاوە، بەڵام لە ڕاستی ژیانا لەسەر هەمان کەلاوە، لەسەر هەمان ڕێچکە، لەسەر هەمان دڵڕەقی و فیزی قووەتنیشاندان بەخەڵکوو مۆدەی زەبروو زۆری بێئامان...هەمان سیناریۆ کە بە فێسوو تەڕبووشی تورکی دەستی پێکرد تا بوو بە عەگال وجەمەدانی ملەوەن،  تا سەرەقۆتە عەقڵ ئالودەو بارکراو بە یەک حەمکە لە کۆن، لە تاریکی، لە ئازار، هەر هەمان سیناریۆ درێژەی هەیە بەڵام لەپۆشاکێکی تر.....

هەڤاڵ سەید حەسەن

٢٤ / ٤ / ٢٠١٣

پشیلەیەکی تریش ماڵئاوای لەژیانکرد

       خوێنەری خۆشەویست... لەژێر یەکێ لە مانشێتەکانی ڕۆژنامەی (یۆتۆبۆری پۆستن)ی ڕۆژی دووشەمە ( پشیلەیەکی تریش کوژرا) واهاتووە لە گەڕەکی هۆگسبۆ کۆڵانی (ریکیدالە گاتەن) پشیلەیەکی کوژراوی تریان دیتەوە.. ئەمە شەشەمین پشیلەیە لەماوەی شەش حەفتەدا بەکوژراوی دەدۆزرێتەوە لەهەمان دەربوونە..پۆلیس تاکو ئێستا نایەوێ پەردە لەڕووی چۆنییەتی کوشتنەکە هەڵداتەوە, یان ئاشکرای کات کە کێ بەم کارە هەڵساوە.. ئەوەی زانراوە کە یەکێ لەهاولاتیان بەر لە چواری شەو، زەنگی بۆ پۆلیس لێداوەو ئەم خەبەرەی گەیاندووە.. بەڵام بەگوێرەی سەرەدەزووی تاوانەکە، ڕاوایە، کە  کەتنەکە کردەی هەمان کەسبی، بۆ زانین تیمێکی بەهێزی پۆلیس سەرپەرشتی پەروەندەی ئەم تاوانە دەکاتوو ڕۆژی شەمە بۆ ڕسواکردنی توندووتیژی دژ بە ئاژەڵ خۆپێشاندانێکی گەورەکرا... دەزانم ئێوەی خۆشەویست وەک من درامای سەربڕینی پشیلەیەک واوێنادەکەن، کە چۆن دەزگای ئاسایشی ولاتێ بایەخ بە کەیسی پشیلەیەکدەدات، چۆن خەڵکانێ کاتیان هەیە بۆ خۆپێشاندان، کو ماندوونابن.. بەر لە دەساڵ ، لەبازاڕ دەگەڕامەوە ، یەکێ لە خاتونە فێرکارەکانی قوتابخانەی مناڵەکانم بەرچاوکەوت کە زۆر تیژ دەڕۆییوو دوای سلاو پرسیاری ئەوەم کرد کە دەشێ مناڵلە چەتونەکانمان لە قوتابخانە باش ماندوویان کردبی.. لەوەلاما گوتی نا بەپێچەوانەوە ئارامترین و خۆشترین ڕۆژی کارم ئەمڕۆبوو، بەلام بەڕێوەم بۆ سمینەرێکی گرنگ کە پەردە لەڕووی ئەو مەحکومییەتوو بێڕەوشتی مێدیا هەڵدەماڵێ، کە بەدوو قەپانی جیاواز تاوان و کەتنەکان دەقرسێنێ یەکیان هی سویدییەکانەو ئەوەی تریان هی پەناهەندەو کوچەرە هاتووەکانە.. ئەو ڕۆژە من لەپیاسەبووم، ئەویش دوای ٧ کاتژمێر کار دەچوو بۆ بەرگری کردن لە پرسێکی ئینسانی، بۆ خەڵکانێ کە فەرهەنگوو دینوو ئەتواریان زۆرجار یەک نایەتەوە لەگەڵ هەوارگەی ئاراموو شکارگەی راستییەکانی بەها... پرسیاری گرنگ لێرەدا ئەوەیە... ئەوەی کە لەسنوری دەستەلاتی خۆمانە.. نەک هەر ئێمەی هاولاتی کورد زمان، بەناو دڵسۆزوو کورد پەروەروو ئینسان دۆستی ٢٤ عەیاری سەقەتی لیرەی ڕووژدی بێ قیمەتی ڕەشادی بەقەد ئاسمانو ڕیسمان دوورین لە کایەی راستی، وازمان نەک لە هاو مرۆڤەکانمان هێناوە، ببەڵکو وازمان لەخۆمانیش هێناوەو خۆمان خۆمان کۆتا و ئیفلیج کردووە .. بەڵکوو دەستەلات گەر بەقەدەر مشکوو پشیلە و سەگ گرنگی بە هاولاتیانی هەرێمەکەمان بدات قەت لەبیرمان ناچێ.. بەڵام مەخابن.. هەموومان چاوەڕوانی فریادڕەسێکین لە دەرەوەی خۆمان.. هەموو هەر بەتەمانی سوپەرمان و تەڕەزانوو زۆڕۆین.. وابڕوا کورد بوون عەنتیکەترین شتی لێدەردەچێ، دەبێ ئەردۆغانو مالکی و نەجاتی و تەحریرییەکانی سورییا دەرسماندەنوو لە مۆزەخانەی ساختەوو درۆوو گاڵلتەجاڕی مێژووا باشترین گۆشەی عەکسی مرۆڤ بوونمان  بۆ دانێن..

هەڤاڵ سەید حەسەن

٢٤ / ٤ / ٢٠١٣

هەڤاڵ سەید حەسەن

هاوکارمان بە بۆ ئەوەی شتێ بکەین، بەرلەوەی نەهامەتی ئێمە، ببێ بە هیتۆ

ئەمە وێنەی یەکێ لەو دایکە مناڵکوژراوەنەی نیوتاونە لە ئەمریکا. سەرلەبەیانیی هەینییەکی ئارام، قوتابخانەی سەرەتای و ناوەندی هەژێنرا بە تەقاندنی زیاتر لە ١٠٠ گولەی چەکی کوژەر، کە بەدەستی کوڕێکەوەبوو، جگە لە کوشتنی دایکی خۆی ٢٠ مناڵوو ٦ مرۆڤی پێگەیوی کوشت، ئەمریکییەکان لەم یادە پڕ لە ناسۆرییەدا، ئۆباماو دەستەلاتداران بە کەمتەرخەم دەزانن کە ننەیانتوانیوە ژینگەیەکی ئارابوو بێ چەک بۆ مناڵان دابین بکەن.... بەڕێزان، دیارە لەلای ئێمەمانان، ترازیدیاو تاوان بۆتە شانازی ، سەیری ماڵپەڕوو وێبلاگی مەسئەولوو کوڕە مەسئەولوو خزمە مەسئەلەکانی کوردستان بکەن، هەر یەکە مەشجەبێ فیشەگوو چەکی قورسی لەخۆبارکردووەو شانی بۆ عالەم دەرپەڕاندووە، سەیری سەرۆکی هەرێم کەن بەخۆ بە دەمانچە سەفحاوییەکەی کە هەندێ لە دەربارییەکان لەدیواریان گرتووە. بەبۆچوونی من ئەو کەسانەی کە شانازی بە ئامرازی کوشتن دەکەن، ئەوانەش وەک ئەم تاوانبارە ئەمریکییە، دەبن بە هاندەری توندووتیژی لەنێو کۆمەڵگە.....

هەڤاڵ سەید حەسەن

٢٤ / ٤ / ٢٠١٣